सुर्खेतको वीरेन्द्रनगरमा स्कूल बस खोलामा खसेको छ । डीभी निकेतन बोर्डिङ स्कूलको बस वीरेन्द्रनगर नगरपालिका– ७ स्थित​ इत्राम खोलामा खसेको हो ।

विद्यार्थी बोकेको उक्त बस ३/४ मिटर तल खोलामा पल्टिएको नेपाल प्रहरीले शुक्रवार आफ्नो फेसबूक पेजमार्फत जनाएको छ ।

स्कूल बस खसेको सूचना पाउनासाथ प्रहरी टोली घटनास्थल पुगेको थियो । बसभित्र रहेका ११ जना विद्यार्थीलाई सकुशल उद्धार गरी उपचारका लागि स्वास्थ्य संस्था पठाइएको प्रहरीले जनाएको छ ।