लागुऔषधसहित ७ जना पक्राउ

झापा, मोरङ, सुनसरी र इलामबाट लागुऔषधसहित ७ जनालाई प्रहरीले पक्राउ गरेको छ ।

बिहीबार दिउँसो झापाको दमक ३ स्थितमा प्रहरी चौकी बाघखोरबाट खटिएको प्रहरी टोलीले स्थानीय १९ वर्षीय लोकेन्द्र धिमाल र मोरङ उर्लाबारी-१ का २३ वर्षीय पवन नेपालीलाई पक्राउ गरेको हो । उनीहरूको साथबाट २ सय ३० ट्याब्लेट बरामद गरिएको प्रहरीले जनाएको छ ।

त्यसैगरी मोरङको विराटनगर-१६ दरैयास्थितमा इलाका प्रहरी कार्यालय रानी र लागुऔषध नियन्त्रण ब्युरो विराटनगरबाट खटिएको प्रहरी टोलीले प्र.१-०२-०४३ प २४४७ नम्बरको मोटरेसाइकलमा सवार मोरङ बेलबारीका ४० वर्षीय सुरज गुरुङ र ४१ वर्षीय डिमकमल राईलाई नियन्त्रणमा लिएको हो ।

प्रहरीले उनीहरूको साथबाट १ ग्राम २० मिलिग्राम ब्राउन सुगर र १५ पिस ट्याब्लेट बरामद गरेको छ ।

यसैगरी सुनसरीको इलाका प्रहरी कार्यालय देवानगन्जले देवानगन्ज गाउँपालिका-२ बाट शिवकुमार मेहतालाई ५ किलोग्राम ६९० ग्राम गाँजासहित पक्राउ गरेको छ ।

प्रहरी चौकी फिक्कलले सूर्योदय नगरपालिका-९ की २१ वर्षीया आनिशा राईलाई ५ सय ७० मिलिग्राम ब्राउन सुगरसहित पक्राउ गरेको छ ।

यसैगरी इलाका प्रहरी कार्यालय पशुपतिनगरबाट खटिएको टोलीले माइजोगमाई गाउँपालिका-२ का २५ वर्षीय समिर महतलाई ९ सय ७० मिलिग्राम ब्राउन सुगरसहित पक्राउ गरेको छ ।

पक्राउ परेकाहरूको थप अनुसन्धान भइरहेको प्रहरीले जनाएको छ ।