प्रधानमन्त्री केपी शर्मा ओलीले बजेट र १०० दिनभित्र गर्न सकिने कामबारे छलफल गरेका छन् ।

उनले बिहीबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा मन्त्रीदेखि सचिवसम्मसँग वर्तमान सरकारको १०० दिनभित्र गरिने मुख्य–मुख्य कामबारे छलफल गरेको उनको सचिवालयले जनाएको छ । 

गत आर्थिक वर्षको प्रगति समीक्षा, चालु आर्थिक वर्षको बजेट र कार्यक्रम कार्यान्वयन योजनाका विषयमा समेत छलफल भएको थियो । 

छलफलमा प्रधानमन्त्री ओलीसहित उपप्रधानमन्त्रीद्वय, मन्त्रीहरू, प्रधानमन्त्रीका मुख्य सल्लाहकार, राष्ट्रिय योजना आयोगका उपाध्यक्ष, मुख्यसचिव र सबै मन्त्रालयका सचिवहरूको सहभागिता थियाे ।