०८ साउन २०८३, शुक्रबार
भारतीय प्रधानमन्त्री नरेन्द्र मोदीले भारतको ७८ औं स्वतन्त्रता दिवसका लागि नेपालका समकक्षी केपी शर्मा ओलीले दिएको शुभकामनामा कृतज्ञता व्यक्त गरेका छन् ।
सामाजिक सञ्जाल एक्समार्फत प्रधानमन्त्री मोदीले भनेका छन्, 'स्वतन्त्रता दिवसका लागि तपाईंले दिएको शुभकामनाप्रति कृतज्ञ छु । भारत र नेपालबीच बलियो मित्रता रहनुपर्छ भन्ने तपाईंको भनाइमा सहमत छु ।'
बिहीवार प्रधानमन्त्री ओलीले सामाजिक सञ्जाल एक्समै मेन्सन गरेर भारतको ७८ औं स्वतन्त्रता दिवसका लागि बधाइ दिएका थिए ।
'प्रधानमन्त्री श्री नरेन्द्र मोदीजी र भारतका जनतालाई ७८ औं स्वतन्त्रता दिवसको हार्दिक बधाई ! यस दिनले हाम्रो राष्ट्रहरू बीचको मित्रता र सहकार्यलाई थप बलियो बनाओस् । नेपाल-भारत सम्बन्धलाई थप अगाडि बढाउन उत्साहित छु,' प्रधानमन्त्री ओलीले भनेका थिए ।
