०६ साउन २०८३, बुधबार
जर्मनीका गोलकिपर मानुएल नोएरले अन्तर्राष्ट्रिय फुटबलबाट संन्यासको घोषणा गरेका छन् । ३८ वर्षीय नोयरले बुधबार अन्तर्राष्ट्रिय फुटबल करिअरलाई विश्राम दिने निर्णय लिएका हुन् ।
सन् २०१४ मा जर्मनीका लागि विश्वकप उपाधि जितेका नोएरले जर्मनीका लागि १२४ खेल खेलेका छन् । जर्मनीबाट उनको अन्तिम खेल गत महिना भएको युरो २०२४ अन्तर्गत स्पेनसँगको क्वाटरफाइनल खेल थियो ।
३८ वर्षीय बायर्न म्युनिखका गोलकिपर नोएरले सन् २००९ मा जर्मनीका लागि डेब्यु गरेका थिए ।
सन् २०१८ को विश्वकपअघि नोएर जर्मनीका कप्तान बनेका थिए ।
गोलकिपर नोएनले क्लब फुटबललाई भने निरन्तरता दिनेछन् । उनले सन् २०२५ सम्म बायर्नमै बस्ने गरी गत वर्ष नयाँ सम्झौता गरेका थिए ।
