काठमाडौं, १३ कार्तिक– नक्कली फेसबुक प्रोफाइल ‘आइडी’ बनाएर महिलासँग अश्लील कार्य गर्न खोज्ने एक युवालाई प्रहरीले पक्राउ गरेको छ ।
महिलालाई बदनाम गर्ने उद्देश्यले फेसबुकमा मोबाइल नम्बर र फोटो राखी अश्लील कार्यका लागि सम्पर्क गर्नुहोला भनेर स्टाटस राख्ने गरेको आरोपमा युवकलाई पक्राउ गरिएको चितवन प्रहरीले जनाएको छ ।
पक्राउ पर्नेमा मकवानपुर बकैया गाउँपालिका–४ का २७ वर्षीय नविन तिमिल्सिना छन् ।
नक्कली फेसबुक बनाई महिलालाई बदनाम गर्ने उद्देश्यले अश्लील कार्यका लागि सम्पर्क गर्नुहोला भनी मोबाइल नम्बर र फोटो हालेको भनी केही दिनअघि नै उनीविरुद्ध लिखित उजुरी परेको प्रहरीले जनाएको छ ।
प्रहरीले उनीविरुद्ध सार्वजनिक अपराध ऐनअन्तर्गत मुद्दा दर्ता गरी अनुसन्धान थालिसकेको जनाएको छ ।
