बैदेशिक रोजगार ठगीका दुई आरोपीलाई प्रहरीले पक्राउ गरेको छ । पक्राउ पर्नेमा दाङ लमही नगरपालिका ४ का देव सुनार र सोही ठाउँ बस्ने भीमकुमार सुनार छन् । 

काठमाडौं उपत्यका अपराध अनुसन्धान कार्यालयले सुनारद्वयलाई भारतको दिल्लीबाट पक्राउ गरी कञ्चनपुर हुँदै काठमाडौं ल्याएको हो ।

प्रहरीका अनुसार युरोपेली मुलुकमा लैजाने भनेर सर्वसाधारणसँग एक करोड रुपैयाँभन्दा बढी रकम उठाएर यी दुई फरार भएका थिए । 

वैदेशिक रोजगार विभागको पत्रअनुसार उनीहरूलाई पक्राउ गरिएको अनुसन्धान कार्यालयका प्रमुख सानुराम भट्टराईले जानकारी दिए ।