नेकपा (एकीकृत समाजवादी) मा १८ पदाधिकारीका लागि निर्वाचन गर्न लागिएको छ । सहमतिको प्रयास असफल भएपछि पदाधिकारी र पोलिटब्युरो सदस्यका लागि निर्वाचन हुन लागेको जनाइएको छ । 

पदाधिकारी र पोलिटब्युरो सदस्यकाे निर्वाचनका लागि एकीकृत समाजवादीले सोमबार निर्वाचन तालिका सार्वजनिक गरेको छ । तालिका अनुसार मंगलबार दिउँसो २ देखि ५ बजेसम्म मतदान हुने छ । 

यसअघि एकीकृत समाजवादीले अध्यक्षमा माधवकुमार नेपाल, सम्मानित नेतामा झलनाथ खनाल र महासचिवमा घनश्याम भुसाललाई सर्वसम्मत चयन गरेको थियो । 
तर बाँकी पदमा सहमति हुन नसकेपछि चुनाव गर्न लागिएको हो । नेताहरुले अन्तिमसम्म पनि सहमतिको प्रयास भने हुने बताएका छन् ।