२८ जेठ २०८३, बिहीबार
वात्सल्य नेचुरल आईभीएफ एभरेस्ट महिला भलिबल लिगको पहिलो संस्करणको मुख्य प्रायोजक बनेको छ । सहकार्यले महिलाको उपलब्धिलाई मान्यता दिने र जीवनका सबैक्षेत्रमा उत्कृष्टता हासिल गर्न स्वतन्त्रता दिन सघाउने विश्वास लिग आयोजकको छ ।
नेपालमा प्रजनन हेरचाह र महिलाको स्वास्थ्यमा उत्कृष्टता हासिल गरेको वात्सल्य नेचुरल आईभीएफले महिला सशक्तिकरणको लागि सधैं अभियान चलाउँदै आएको छ ।
लिगको मुख्य प्रायोजक बनेर महिलालाई सशक्त बनाउने, समावेशिता प्रवर्द्धन गर्ने र लामो समयदेखि महिलाको स्वतन्त्रता र अवसरमा अवरोध खडा गर्ने सामाजिक मान्यताहरूसँग जुध्न सघाउने विश्वास वात्सल्य नेचुरल आईभीएफको छ ।
६ टोलीको सहभागिता रहने एभरेस्ट महिला भलिबल प्रतियोगिता आगामी असोज १४ देखि १९ गतेसम्म त्रिपुरेश्वरस्थित राखेप कभर्डहलमा सन्चालन हुँदै छ ।
