३० असार २०८३, मंगलबार
अख्तियार दुरुपयोग अनुसन्धान आयोगले धनुषाको जनकपुरधाम उपमहानगरपालिका वडा नम्बर २४ का अध्यक्ष उपेन्द्र सहनी र वडा सचिव उपेन्द्र साहलाई पक्राउ गरेको छ ।
उनीहरूलाई मंगलबार आयोगको टोलीले ४ लाख ५० हजार रुपैयाँ घुससहित पक्राउ गरेको आयोगका प्रवक्ता नरहरि घिमिरेले जानकारी दिए ।
प्रवक्ता घिमिरेका अनुसार उनीहरूले बाटो प्रमाणित गरिदिने प्रयोजनका लागि सेवाग्राहीसँग घुस मागेका थिए ।
उनीहरू दुवै जना घुस लिइसकेको अवस्थामा वडा अध्यक्षको कार्यकक्षबाटै पक्राउ परेका हुन् ।
थप अनुसन्धान भइरहेको आयोगले जनाएको छ ।
