संविधान दिवसका अवसरमा आजदेखि अस्थायी रूपमा नवनिर्मित धरहरा सञ्चालनमा आउँदै छ । २०७२ सालको विनाशकारी भूकम्पमा ध्वस्त भएको घरहरा पुनर्निर्माण भएसँगै संविधान दिवसको दिन पारेर सर्वसाधारणका लागि खुला गर्न लागिएको हो । 

भूकम्प गएको ९ वर्षपछि सर्वसाधारणले धरहरा चढ्न पाउने भएका छन् । 

संविधान दिवसको अवसरमा खुला गरिने घरहरा निर्माण पूर्णरूपमा भने सकिएको छैन। धरहराको ९८ प्रतिशत संरचना निर्माण मात्रै अहिलेसम्म पूरा भएको सहरी विकास मन्त्रालयले जनाएको छ । 

अहिले धरहरा चढ्न कुनै शुल्क भने लाग्ने छैन । अहिलेलाई एक दिनमा अधिकतम ५०० सर्वसाधारणले निःशुल्क धरहरा चढ्न पाउने व्यवस्था गरिएको छ ।

बिहान साढे १० देखि दिउँसो साढे ४ सम्म सर्वसाधारणले धरहरा चढ्न पाउनेछन् ।