२८ जेठ २०८३, बिहीबार
फिफा वरीयताको पुरुषतर्फ नेपाल एक स्थान तल झरेको छ । विश्व फुटबलको सर्वोच्च निकाय फिफाले बिहीबार सार्वजनिक गरेको वरीयतामा नेपाल एक स्थान तल झरेको हो ।
नेपाल वरियताको १७६ औं स्थानमा छ । नेपालले पछिल्लो फिफा विन्डोमा कुनै प्रतिस्पर्धा गरेको छैन ।
दक्षिण एसियाली वरीयतामा भुटान दुई स्थान तल झर्दै १८४ औं स्थानमा, बंगलादेश दुई स्थान तल झर्दै १८६ औं स्थानमा, पाकिस्तान १९७ औं स्थान र श्रीलंका ५ स्थान सुधार गर्दै २ सयौं स्थानमा छ ।
नेपालभन्दा माथि रहेको माल्दिभ्स १६३ औं र भारत १२६ औं स्थानमा छ । विश्व वरीयतामा अर्जेन्टिना पहिलो, फ्रान्स दोस्रो, स्पेन तेस्रो, ईङ्ल्याण्ड चौथों र ब्राजिल पाँचौ स्थानमा छ ।
