आइतवार बिहान कर्णाली प्रदेशका एक–दुई ठाउँमा मेघ गर्जन/चट्याङसहित हल्का वर्षा भइरहेको मौसम पूर्वानुमान महाशाखाले जनाएको छ ।

दिउँसो कर्णाली र सुदूरपश्चिमका केही तथा बाँकी प्रदेशका पहाडी भू–भागका थोरै स्थानमा  मेघ गर्जन/चट्याङसहित हल्कादेखि मध्यम वर्षाको सम्भावना रहेको छ ।

यस्तै राति कर्णालीका थोरै स्थान तथा बाँकी प्रदेशका पहाडी भू–भागका एक–दुई स्थानमा मेघ गर्जन/चट्याङसहित हल्कादेखि मध्यम वर्षाको सम्भावना रहेको पूर्वानुमान छ ।

हाल मनसुनको न्यून चापीय रेखाको सरदर स्थानको दक्षिणतिर अवस्थित रहेको छ । यसर्थ देशभर मनसुनी वायुको प्रभाव रहेको छ ।