०२ साउन २०८३, शनिबार
अख्तियार दुरुपयोग अनुसन्धान आयोगले बीपी कोइराला स्वास्थ्य विज्ञान प्रतिष्ठान, धरानका उपकुलपति डा. ज्ञानेन्द्र गिरीविरुद्धको मुद्दामा पुनरावेदन दर्ता गराएको छ ।
गिरीको मुद्दामा विशेष अदालतबाट भएको फैसला आयोगलाई चित्त नबुझी बुधबार सर्वोच्च अदालतमा पुनरावेदन दर्ता गरिएको आयोगका सहायक प्रवक्ता देवीप्रसाद थपलियाले जानकारी दिए ।
उनका अनुसार प्रतिवादी डा. गिरीले प्रतिष्ठानको उपकुलपति पदमा नियुक्ति भइसकेपछि प्राध्यापक (प्रोफेसर) पद प्रयोग गरेका थिए । अनुसन्धानका क्रममा उनले आफूले प्राप्त नगरेको ओहदा प्रयोग गरेको पाइएको थियो । त्यसपछि आयोगले विशेष अदालतमा मुद्दा दायर गरेको थियो ।
तर सर्वोच्च अदालतको २०८० फागुन १६ गते दाबी नपुग्ने भन्दै सफाइ दिएको थियो । त्यसपछि आयोगले सर्वोच्चमा पुनरावेदन गराएको हो ।
अर्का प्रतिवादी डा. ज्ञानेन्द्रमान सिंह कार्कीले प्रोफेसर पदको अनुमोदनको लागि काठमाडौं विश्वविद्यालयमा सिफारिस गर्न सक्नेमा उनी आफैंले डा. ज्ञानेन्द्र गिरीलाई प्रोफेसर पदको उपाधि दिएका थिए ।
मतियारको रूपमा भूमिका खेलेको भन्दै आयोगले कार्कीलाई पनि प्रतिवादी बनाएको छ ।
