२२ असार २०८३, सोमबार
स्पानिस ला लिगा फुटबलअन्तर्गत गएराति सम्पन्न खेलमा एट्लेटिको मड्रिडले सेल्टाभिगोलाई पराजित गरेको छ । जुलियन अल्भारेजले खेलको अन्तिम समयमा गरेको गोलमा एट्लेटिको मड्रिडले सेल्टाभिगोलाई १-० ले हराएको हो ।
सेल्टाको मैदानमा भएको खेलमा वैकल्पिक खेलाडीको रूपमा मैदान प्रवेश गरेका अल्भारेजले ९०औं मिनेटमा विजयी गोल गरेका थिए । कोकेको स्थानमा ५४औं मिनेटमा मैदान प्रवेश गरेका अल्भारेजले एन्टोइन ग्रीजमनको असिस्टमा गोल गरेका हुन् ।
नयाँ सिजनमा एट्लेटिकोको यो चौथो जित हो । बार्सिलोना र रियल मड्रिडलाई पछ्याइरहेको एट्लेटिको ७ खेलबाट १५ अंक जोडेर तेस्रो स्थानमा छ ।
