०२ साउन २०८३, शनिबार
गिजाको क्यान्सरसम्बन्धी उपचार गराइरहेका राप्रपाका महामन्त्री डा धवलशमशेर राणाको शल्यक्रिया गरिएको छ ।
भारतको मुम्बईस्थित पुण्यश्लोक अहिल्याबाई होल्कर, हेड एण्ड नेक क्यान्सर इन्स्टिच्युटमा उनको शल्यक्रिया गरिएको हो । शल्यक्रियापछि उनको स्वास्थ्यमा सुधार भइरहेको र बोल्न सक्ने अवस्था रहेको बताइएको छ ।
उनको सुल्तान प्रधान नेतृत्वको टीमले शल्यक्रिया गरेको र अहिले अवस्था सामान्य सामान्य रहेको पारिवारिक स्रोतलाई उदृत गर्दै राप्रपाका प्रवक्ता सगुन सुन्दर लावतीले जानकारी दिए । उनका अनुसार राणा केही समय मुम्बईमै रहनेछन् ।
सबै उपचार प्रक्रिया सम्पन्न भएपछि उनी नेपाल फर्किने बताइएको छ । क्यान्सर पहिलो चरणको रहेका र समयमै उपचार भएकाले अन्यत्र फैलिन नपाएको बताइएको छ ।
