११ साउन २०८३, सोमबार
सत्तारुढ दल नेकपा (एमाले)ले पार्टीको केन्द्रीय कार्यालयको स्थायी भवन नयाँ ठाउँमा बनाउने निर्णय गरेको छ ।
बिहीवार बसेको विशेष सचिवालय बैठकले यस्तो निर्णय गरेको केन्द्रीय कार्यालयका सचिव डा भीष्म अधिकारीले लोकान्तरलाई जानकारी दिए ।
‘कीर्तिपुर नगरपालिका वडा नं २ ढुंगेअड्डास्थित मदन भण्डारी स्मृति भवनको नाममा रहेको ठाउँमा नयाँ कार्यालय बन्नेछ,’ उनले भने ।
पार्टी कार्यालय भवनको शिलान्यास प्रधानमन्त्रीसमेत रहेका एमाले अध्यक्ष केपी शर्मा ओलीले शुक्रवार नै गर्ने कार्यक्रम रहेको अधिकारीले बताए ।
हाल एमालेको केन्द्रीय कार्यालय ललितपुरको च्यासलमा छ । बागमती र मनहरा नदीमा बाढी आउँदा उक्त कार्यालय पटक–पटक डुबानमा पर्ने गरेको छ । यसैले गर्दा एमालेले नयाँ ठाउँ रोजेको हो ।
