ललितपुरको सातदोबाटोमा रोकिराखेको बसमा आगलागी भएको छ ।

शनिबार दिउँसो पौने पाँच बजेको समयमा रोकिराखेका महानगर यातायातको बा ४ ख १०४ नम्बरको बसमा आगलागी भएको हो ।

आगलागी भएको केही समयमा नै दमकलको सहयोगमा आगो नियन्त्रणमा लिइएको जिल्ला प्रहरी परिसर ललितपुरका एसपी नवरत्न पौडेलले लोकान्तरलाई जानकारी दिए ।

'आगलागी भएलगत्तै दमकलको सहयोगमा आगो नियन्त्रणमा लिइएको हो । बस पूर्णरूपमा जलेको छ, मानवीय क्षति भने हुन पाएन,' एसपी पौडेलले भने ।

आगलागीको कारण खुलेको छैन । तार सर्ट भएर आगलागी भएको हुन सक्न प्रहरीको अनुमान छ । 

आगलागी भएको १५ मिनेटमा नै नियन्त्रणमा लिइएको र थप अनुसन्धान भइरहेको प्रहरीले जनाएको छ ।