३० जेठ २०८३, शनिबार
साताको अन्तिम कारोबार दिन नेपाल स्टक एक्सचेन्ज परिसूचक (नेप्से) दोहोरो अंकले घटेर बन्द भएको छ । बिहीबार नेप्से १८.२५ अंकले घटेर २६२७.१४ बिन्दुमा अडिएको हो ।
यस दिन बजारमा १ करोड २२ लाख ८३ हजार ६२३ कित्ता सेयर खरिदबिक्री हुँदा ५ अर्ब ४१ करोड ९१ लाख ४ हजार रुपैयाँको कारोबार भएको छ ।
अघिल्लो कारोबार दिन बुधवार मात्रै नेप्से २०.४१ अंकले घटेर २६४५.३९ बिन्दुमा अडिएको थियो । आज रावा इनर्जी डेभलपमेन्ट लिमिटेडको शेयर सबैभन्दा बढी १० प्रतिशतले घटेको छ ।
त्यस्तै, कारोबारका अधारमा एनएलजी इन्स्योरेन्स कम्पनी ३४ करोड ३१ लाख २० हजार रुपैयाँको कारोबारका साथ शीर्ष स्थानमा रहको छ ।
साताको पहिलो कारोबार दिन आइतबार नेप्से ४७.४४ अङ्कले घटेर २६९७.९१ को बिन्दुमा अडिएको थियो । सोमबार परिसूचक ५७.९९ अङ्कले घटेर २६३९.९२ बिन्दुमा कायम भयो ।
मंगलबार २५.८८ अंकले बढेर २६६५.८१ को बिन्दुमा अडिँदा बजारमा १ करोड ९ लाख ६२ हजार २८१ कित्ता सेयर खरिदबिक्री भयो । कारोबार रकम ४ अर्ब १७ करोड १६ लाख ६५ हजार थियो ।
बुधवार २०.४१ अंकले घटेर २६४५.३९ को बिन्दुमा नेप्सेमा बिहीबार पनि गिरावट जारी रह्यो ।
