सिप्रदीको सामाजिक संस्था सिप्रदीयन सहायता संस्थाले काभ्रेपलाञ्चोकका बाढी पीडितलाई राहत वितरण गरेको छ ।​

पाँचखाल नगरपालिकाका बाढी प्रभावितहरूलाई आधारभूत आवश्यकताका सामग्री राहत वितरण गरिएको हो ।​​

सिप्रदीयन सहायता संस्थाको तर्फबाट तुलसीजंग बस्नेत, रोज क्षेत्री, गोविन्द उपाध्याय, रजत श्रेष्ठ, विमल गौतमलगायतको उपस्थितिमा ३० घरपरिवारलाई राहत सामग्री वितरण गरिएको हो । 

उनीहरूलाई डस्ना, सिरानी, झुल, जग, बाल्टिन, गिलास र थाल वितरण गरिएको कम्पनीले जनाएको छ ।

कार्यक्रममा नगरपालिकाको तर्फबाट सञ्जय तामाङ, अच्युत उप्रेतीलगायतको उपस्थिति रहेको थियो ।​​​