२३ असार २०८३, मंगलबार
प्रधानमन्त्री केपी शर्मा ओलीले आफू नेतृत्वको सरकार लोकतन्त्रप्रति प्रतिबद्ध रहेको बताएका छन् । उनले नेपाली कांग्रेस र नेकपा (एमाले) मिलेर विगतमा पनि परिवर्तनका लागि लडेको र अहिले पनि लोकतन्त्रप्रति प्रतिबद्ध रहेको बताएका हुन् ।
शनिबार काठमाडौंमा वन तथा वातावरण मन्त्रालयले आयोजना गरेको राष्ट्रिय जलवायु सम्मेलनमा ओलीले कांग्रेस र एमालेले लोकतन्त्रमा असाधारण योगदान गरेको बताए ।
’एमाले र कांग्रेस मिलेर परिवर्तनका लागि असाधारण योगदान गरेका छन् । दुवै ठूला पार्टी लोकतन्त्रप्रति प्रतिबद्ध छौं । यी दुवै पार्टीले लोकतन्त्र मर्न दिँदैनन्,’ उनले भने ।
कोप–२९ सम्मेलनको पूर्वसन्ध्यामा वन तथा वातावरण मन्त्रालयले शनिवार राष्ट्रिय जलवायु सम्मेलन आयोजना गरेको थियो ।
