१२ असार २०८३, शुक्रबार
मोरङ र डडेल्धुराबाट जुवातास खेलिरहेको अवस्थामा ४५ जना पक्राउ परेका छन् ।
विराटनगर महानगरपालिका- १७ दरैयामा जुवातास खेलिरहेको अवस्थामा सोही महानगरपालिका- १६ बस्ने ३५ वर्षीय हरेराम चौधरीसहित १७ जनालाई प्रहरीले बिहीबार राति पक्राउ गरेको हो ।
इलाका प्रहरी कार्यालय रानीबाट खटिएको प्रहरीले उनीहरूलाई ६० हजार रुपैयाँ र २ बुक ताससहित पक्राउ गरेको हो ।
यस्तै, डडेल्धुराको गन्यापधुरा गाउँपालिका- ३ गोयलखेतका ३२ वर्षीय दीपक देउवाको घरमा जुवातास खेलिरहेको अवस्थामा दीपकसहित २८ जना पक्राउ परेका छन् ।
उनीहरूलाई गए राति पक्राउ गरिएको प्रहरीले जनाएको छ ।
जिल्ला प्रहरी कार्यालय डडेल्धुराबाट खटिएको प्रहरीले उनीहरूलाई नगद ४ लाख ४१ हजार ८ सय ६९ रुपैयाँ र १६ बुक ताससहित पक्राउ गरेको हो ।
थप अनुसन्धान भइरहेको प्रहरीले जनाएको छ ।
