२५ जेठ २०८३, सोमबार
प्रतिकूल मौसमका कारण रास्वपा सभापति रवि लामिछानेलाई रुपन्देही ल्याउने कार्यमा ढिलाइ भएको छ । मौसमको खराबीका कारण पोखराबाट जहाज उड्न नसक्दा उनलाई रुपन्देही ल्याउन ढिलाइ भएको हो ।
बिहान पौने ८ बजे नै पोखराबाट भैरहवा ल्याउने तयारीस्वरूप रविलाई ५ बजे नै पोखरा एयरपोर्ट लगिएको थियो । तर, जहाज उड्न नसकेपछि उनलाई पोखरा विमानस्थलमै राखिएको छ ।
भैरहवामा बोक्लो हुस्सु र कुहिरो लागेको छ ।
रुपन्देही प्रहरी प्रवक्ता लक्ष्मी खनालले भैरहवा एयरपोर्टमा भिजिबिलिटी नपुग्दा जहाज अझै उड्न नसकेको बताइन् । ‘भैरहवामा मौसम पनि खराब छ । भिजिबिलिटी नपुग्दा पोखराबाट जहाज उड्न सकेको छैन । त्यसमाथि जजिराको जहाज पनि आउँदैछ,’ डीएसपी खनालले भनिन् ।
बुटवलमा रहेको सुप्रिम बचत तथा ऋण सहकारी संस्थाको बचतकर्ताको बचत रकम तथा ऋण हिनामिना गरेको आरोपमा किटानी जाहेरी परेपछि प्रहरीले लामिछानेलाई रुपन्देही ल्याउन लागिएको हो ।
कात्तिक ८ गते रुपन्देही जिल्ला अदालतले लामिछानेसहितका आरोपीलाई पक्राउका लागि पुर्जी जारी गरेको थियो ।
कात्तिक २ गते काठमाडौैंबाट पक्राउ परेका उनलाई त्यसै राति पोखरा लगिएको थियो ।
