एजेन्सी, २३ कात्तिक— रुसको राजधानी मस्कोमा एउटा यस्तो घटना भएको छ जुन घटना सुन्दा पनि जो कोहिको आंङ सिरिंग हुन्छ  ।
एक  युवाले महिलालाई ६ वर्षसम्म बन्दी बनाएर बलात्कार मात्रै गरेनन् बलात्कारपछि ४ ओटा बच्चा पनि जन्मिए । 
त्यति हुँदासम्म न प्रहरीले खबर पायो न त महिलाले बन्दी जीवनबाट मुक्ति पाउन नै सकिन् । 
दैनिक भास्करमा उल्लिखित समाचारअनुसार  हालै घटनाको पर्दाफास भएपछि प्रहरीले महिलालाई उद्दार गर्दा शरीरभर निलडाम र घाउहरु थिए । 
महिलाले प्रहरीलाई दिएको बयानमा  छ वर्षअघि रिनाट बिलयानोवसँग उनको डेटिङ साइटको माध्यमबाट चिनापर्ची भएको उल्लेख छ ।   यसैक्रममा एक दिन जव रिनाटले डेटिङको लागि बोलाए त्यहाँ महिला पुग्दा  रिनाटले मस्कोको पुश्किनो इलाकामा पर्ने एक घरमा लिएर गए । 
तर त्यहीबाट उनको अत्यासलाग्दो दैनिकी सुरु भयो ।  त्यहाँ उनलाई  यातना दिइन्थ्यो । बलात्कार गरिन्थ्यो । तर, उनको चित्कार कसैले सुन्न सक्थैनथ्यो । 
पीडित महिलाका अनुसार रिनाट घरबाहिर जाँदा बाहिरबाट ताला लगाउँथे  । तर,  घटना बाहिर आउनु पहिले  रिनाटले बलात्कारपछि जन्मिएका एक बच्चा पनि सँगै बाहिर लिएर गएका थिए भने सोहि क्रममा रिनाटलाई चिन्नेहरुले शंकाको दृष्टिले हेरे ।  उनीहरुले केहि गडबड हुन सक्ने भन्दै प्रहरीमा उजुरी गरिदिएपछि छापा मार्दा यस्तो रहस्य सार्वजनिक हुन पुगेको समाचारमा जनाइएको छ । 
प्रहरीले महिलाको उद्दार गर्दा महिलाको शरीरभर निलडाम र घाउहरु रहेका थिए । प्रहरीले आरोपीलाई  पक्राउ गरेको छ ।