भारतको उत्तर प्रदेशस्थित एक मेडिकल कलेजमा आगलागी हुँदा १० नवजात शिशुको मृत्यु भएको छ ।

उत्तर प्रदेशको झाँसीस्थित महारानी लक्ष्मीबाई मेडिकल कलेजमा गएराति भीषण आगलागी हुँदा १० बालबालिकाको मृत्यु भएको भारतीय सञ्चार माध्यमहरूले जनाएका छन् ।

अस्पतालको नवजात शिशु सघन उपचार कक्ष (एनआईसीयू)मा आगलागी भएको समाचारमा उल्लेख छ । 

झाँसीका जिल्ला मजिस्ट्रेट अविनाश कुमारले १० बालबालिकाको मृत्यु भएको पुष्टि गरेका छन् ।

एनआईसीयू भित्रको युनिटमा सर्ट सर्किटका कारण राति पौने ११ बजे आगलागी भएको थियो । 

समयमै उद्धारको काम भएकोले धेरै बालबालिकाको सकुशल उद्दार गरिएको बीबीसीले जनाएको छ ।