राजधानीको लाजिम्पाटमा नुवाकोटका जग्गा व्यवसायी विक्रम लामामाथि भएको आक्रमणको घटनामा संलग्न रहेको आरोपमा प्रहरीले थप एकजनालई पक्राउ गरेको छ । 

गोरखाका २९ वर्षीय निश्चल सुनुवारलाई झापाबाट पक्राउ गरिएको उपत्यका अपराध अनुसन्धान कार्यालयले जनाएको छ ।

लाजिम्पाटस्थित इनोभा अस्पतालको पार्किङमा गएको कात्तिक ११ गते लमामाथि अन्धाधुन्ध रड प्रहार भएको थियो ।

रड प्रहारबाट घाइते लामाको उपचार जारी रहेको छ भने यो घटनामा यसअघि १ जना पक्राउ परेका थिए ।