१६ असार २०८३, मंगलबार
वीरेन्द्रनगर, २५ कात्तिक– सुर्खेतको पञ्चपुरी नगरपालिका–११ ढुंगेबजारबाट प्रहरीले ठूलो परिमाणमा बम बनाउने सामग्री बरामद गरेको छ ।
कैलालीको सुँगरखालबाट ल्याइएको डेटोनेटर, जिलेटिन, फ्युजवायर, तारहरु तथा मोवावइल सेट र नेपाली र भारतीय सीमकार्ड बरामद गरिएको सुर्खेत प्रहरीले जनाएको छ ।
विशेष सुराकीले दिएको सूचनाका आधारमा शुक्रवार राति ध१च १०६ नम्बरको गाडी चेक गर्दा ठूलो परिमाणमा बम बनाउने सामग्री बरामद गरिएको जिल्ला प्रहरी कार्यालय सुर्खेतका प्रहरी उपरीक्षक मोहन आचार्यले जानकारी दिए ।
प्रहरी उपरीक्षक आचार्यका अनुसार डेटोनेटर ६० थान, जिलेटिन ५ सय ६० र त्यसमा प्रयोग हुने तार ११ मिटर बरामद गरिएको छ ।
बरामद गरिएको समग्री प्रेसर कुकुर बम, सुतली बम लगायतका सामग्री बनाउन प्रयोग गरिन्छ । विस्फोटक पदार्थ बनाउने सामग्रीसहित सवारी चालकलाई नियन्त्रणमा लिएपनि विष्फोटक पदार्थ कसले ल्याएको हो भन्ने विषयमा भने खुलेको छैन । घटनाबारे थप अनुसन्धान भइरहेको आचार्यले बताए ।
प्रहरीले निर्वाचन विथोल्ने अभियानमा रहेको नेत्रबिक्रम चन्द ‘विप्लव’ नेतृत्वको नेपाल कम्युनिस्ट पार्टीका कार्यकर्ताले उक्त विस्फोट पदार्थ ल्याएको हुनसक्ने अनुमान गरेको छ ।
निर्वाचनको मिति नजिकिएसँगै विप्लवका कार्यकर्तामाथि विशेष निगरानी बढाइएको पनि प्रहरीको भनाइ छ ।
