२९ जेठ २०८३, शुक्रबार
यही मंसिर १५ गतेदेखि हुने नेपाल प्रिमियर लिग (एनपीएल), क्रिकेट प्रतियोगिताका लागि टिकट बिक्री खुला गरिएको छ।
नेपाल क्रिकेट संघ (क्यान)ले एनपीएलका लागि आज सोमबार राति ८ बजेदेखि टिकट बिक्री शुरू गरेको हो । टिकट खल्ती एपमार्फत खरिद गर्न सकिने क्यानले जनाएको छ।
एनपीएलका खेलहरू कीर्तिपुरस्थित त्रिभुवन विश्वविद्यालयको क्रिकेट मैदानमा हुनेछन् ।
क्यानले उद्घाटन खेल, प्लेअफ र फाइनल खेलका लागि छुट्टाछुट्टै दररेट निर्धारण गरेको छ। सामान्यतया टिकटको मूल्य ३०० देखि १००० सम्म छ भने सिजनल पासमा १० प्रतिशत छुट प्रदान गरिएको छ।
उद्घाटन खेलमा साधारणतर्फ ३०० र भीआईपीतर्फ ७०० निर्धारण गरिएको छ भने प्लेअफ र फाइनलबाहेकका अन्य खेलमा साधारणतर्फ ३०० र भीआईपीतर्फ ५०० रूपैयाँ निर्धारण गरिएको छ ।
प्लेअफका खेलमा साधारणतर्फ ५०० र भीआईपीतर्फ ७०० तथा फाइनल खेलमा साधारणतर्फ ५०० र भीआईपीतर्फ १०० निर्धारण गरिएको छ।
सिजनल पासतर्फ साधारणको ४ हजार ४८० र भीआईपीको ८ हजार २४० रूपैयाँ निर्धारण गरिएको छ।
