०८ साउन २०८३, शुक्रबार
चर्च ब्वाइज युनाइटेड क्लबले एन्फा यू–१६ युथ लिग फुटबल प्रतियोगिताको उद्घाटन खेलमा जीत हासिल गरेको छ ।
सातदोबाटोस्थित अखिल नेपाल फुटबल सङ्घ (एन्फा) मुख्यालय मैदानमा आज भएको खेलमा चर्च ब्वाइजले सङ्कटा क्लबलाई २–१ गोलअन्तरले पराजित गरेको हो ।
चर्च ब्वाइजका लागि सनिल मगर र सुगम रानाले समान १/१ गोल गरे । त्यस्तै, यता सङ्कटाका लागि भने पेम्बा तामाङले गोल गरे ।
खेलको १५औं मिनेटमा पेम्बाको ‘पेनाल्टी’ गोलमार्फत सङ्कटाले पहिलो अग्रता लियो ।
त्यसपछि खेलको ३०औं मिनेटमा चर्च ब्वाइजका सनिलले ‘फ्री किक’मार्फत एक गोल गर्दै खेललाई १/१ गोलको बराबरीमा ल्याए ।
त्यसपछि खेलको ८४औं सुगमले गोल गर्दै चर्च ब्वाइजलाई २–१ को जीत दिलाए ।
