२१ असार २०८३, आइतबार
नेपाल प्रहरीको केन्द्रीय अनुसन्धान ब्यूरो (सीआईबी)ले नुवाकोटस्थित शेरा दरबारको झण्डै एक सय ६८ रोपनी जग्गा दुरुपयोग भएकाले सरकारको नाममा ल्याउनुपर्ने निष्कर्ष निकालेको छ ।
सीआईबीका प्रमुख, प्रहरी अतिरिक्त महानिरीक्षक दीपक थापाले अनुसन्धानमा जग्गा दुरुपयोग भएको पाइएकाले सरकारको नाममा ल्याउनुपर्ने बताए । त्यसका लागि भूमि व्यवस्थापन तथा अभिलेख विभागमा पत्राचार गरिएको उनले जानकारी दिए ।
जग्गाका विषयमा अख्तियारलाई समेत जानकारीसहितको पत्र पठाइएको उनले बताए । सीआईबीले चार महिनाभन्दा बढी लगाएर जग्गाको अनुसन्धान गरेको जनाएको छ ।
तत्कालीन राजा पृथ्वीनारायण शाहले नुवाकोटमा एक सय ८४ रोपनीमा शीतकालीन दरबार निर्माण गरेको र त्यो जग्गामा अधिकांश व्यक्तिको फर्ममा पुगेको अनुसन्धानमा फेला परेको सीआइबीले जनाएको छ ।
