२३ जेठ २०८३, शनिबार
दक्षिण कोरियामा १८१ जना सवार विमान दुर्घटनाग्रस्त भएको छ । जसमा कम्तीमा २८ जनाको मृत्यु भएको योनहाप समाचार एजेन्सीले उल्लेख गरेको छ। अन्यको उद्धार जारी छ ।
देशको दक्षिण पश्चिममा रहेको मुआन अन्तर्राष्ट्रिय विमानस्थलमा विमान धावनमार्गबाट चिप्लिएर पर्खालमा ठोक्किएको जनाइएको छ ।
१७५ यात्रु र छ जना चालक दलका सदस्य रहेको जेजु एयरको विमान थाइल्याण्डको बैंककबाट फर्किरहेको र अवतरण गर्ने क्रममा दुर्घटना भएको बताइएको छ।
आपतकालीन सेवाहरूले विमानको पुच्छर भागमा रहेका मानिसहरूलाई उद्धार गर्ने प्रयास गरिरहेको विमानस्थलका एक अधिकारीले बताए।
योनहाप रिपोर्ट अनुसार, विमानमा रहेका यात्रुहरूमा १७३ जना दक्षिण कोरियाली र दुई जना थाई नागरिक थिए।
