२८ जेठ २०८३, बिहीबार
भारतका लागि नेपाली राजदूत शंकरप्रसाद शर्माले आफ्नो दोस्रो कार्यकाल शुरू गरेका छन् । उनले सोमबारदेखि नयाँ दिल्लीस्थित दूतावासमा कार्यभार सम्हालेका हुन् । शर्मालाई दूतावासका कर्मचारीहरूले स्वागत गरे ।
सरकारले शर्मालाई दोस्रो पटकका लागि भारतको राजदूतमा पठाएको हो । उनलाई राष्ट्रपति रामचन्द्र पौडेलले यही पुस ३ गते भारतका लागि नेपाली राजदूत नियुक्त भएका थिए ।
शर्मा २०७८ चैतदेखि २०८१ असारसम्म भारतमा राजदूत थिए । चार वर्षे कार्यकाल पूरा नहुँदै पुष्पकमल दाहाल ‘प्रचण्ड’ नेतृत्वको सरकारले गत जेठ अन्तिममा शर्मासहित ११ देशका राजदूत फिर्ता बोलाउने निर्णय गरेको थियो ।
तर, कांग्रेस-एमालेको सरकार बनेपछि शर्मालाई साउन १४ मा पुनः भारतका लागि राजदूत सिफारिस गरेको थियो ।
