३० असार २०८३, मंगलबार
नेपाली कांग्रेसका महामन्त्री गगन थापाले विकास र समृद्धि नहुँदा जनतामा उकुसमुकुस रहेको बताएका छन् ।
मकवानपुरमा भएको एक कार्यक्रममा मंगलबार महामन्त्री थापाले समस्याको समाधान कांग्रेसले निकालोस् भन्नेमा नागरिक रहेका बताएका हुन् ।
‘५/५ वर्षमा चुनाव भइरहेको छ । सहज सत्ता हस्तान्तरण भएको छ । संविधान बनेको छ । ठीकठाक हुँदा पनि देशभित्र उकुसमुकुस छ । प्रगतिको भोक र छटपटी छ,’ थापाले भने, ‘तर अहिले जनताले अँध्यारोबाट नेपाललाई उज्यालोमा लिएर गएकोमा धन्यवाद दिएका छन् । तर यतिबाट पुगेन अब मलाई विकास चाहिएको छ । अब टेलिभिजनमा बाहिर देखेको जस्तो विकास हेर्ने रहर छ । उन्नती हुन्छ भन्ने भोक कांग्रेसले पूरा गर्ने उपायको निम्ति कांग्रेसले प्रयास गरोस् भन्ने छ ।’
थापाले पुरानो कुरामा अड्किएर बस्न नहुने भन्दै जनताले बोध गर्ने गरी विकासको मार्गमा अगाडि बढ्नुपर्ने बताए । यसका लागि कांग्रेसले प्रयास गर्नुपर्ने उनको भनाइ छ ।
फरक प्रसंगमा महामन्त्री थापाले तोकिएकै समयमा महाधिवेशन हुने भन्दै नआत्तिन आग्रह गरे ।
