२२ असार २०८३, सोमबार
सार्वजनिक लेखा समितिका सभापति ऋषिकेश पोखरेलका स्वकीय सचिव अनिलकुमार पोखरेलविरुद्ध मोरङ प्रहरीले अनुसन्धान थालेको छ ।
एमबीबीएस अध्ययनका लागि नाम निकालिदिन रकम लिएको आरोप लागेका पोखरेलविरुद्ध प्रहरीले अनुसन्धान थालेको हो ।
उच्च अदालत विराटनगरको आदेशसँगै अनुसन्धानको प्रक्रिया अगाडि बढेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए ।
उच्च अदालतले पोखरेलविरुद्ध जाहेरी दर्ता गरेर अनुसन्धान प्रक्रिया अगाडि बढाउन भनेको थियो ।
सप्तरीको अग्नीसाइर कृष्णासवरन गाउँपालिका–५ का बौआलाल चौधरीले छोरी दीक्षा चौधरीलाई डाक्टर पढाउन विराटनगरमा घडेरी बेचेको बताएका छन् ।
छोरीको सपनालाई साकार बनाउन पैसा दिएको उनको दाबी छ ।
अनिलले एमबीबीएस अध्ययनका लागि नाम निकालिदिने भनेर ३८ लाख ८० हजार रुपैयाँ लिएको उनको आरोप छ ।
