१० साउन २०८३, आइतबार
न्याय परिषद् सदस्यमा सिफारिस दामोदर खड्काविरुद्ध संसदीय सुनुवाइ समितिले उजुरी आह्वान गरेको छ । समितिले शुक्रबार एक सूचना जारी गर्दै खड्काविरुद्ध उजुरी आह्वान गरेको हो ।
जसअनुसार खड्कालाई न्याय परिषद् सदस्य बनाउन उपयुक्त छैन भन्ने लागेको खण्डमा १० दिनभित्र उजुरी दिन सकिने सूचनामा उल्लेख छ ।
यसअघि बिहीबार बसेको संसदीय सुनुवाइ समिति बैठकले उनको सुनुवाइ प्रक्रिया सुरु गर्ने निर्णय गरेको थियो ।
