१३ असार २०८३, शनिबार
सशस्त्र प्रहरी सहायक हवल्दार किरणबहादुर भण्डारी ‘सशस्त्र प्रहरी वर्ष जवान’बाट पुरस्कृत भएका छन् ।
सशस्त्र प्रहरी बल नेपाल नम्बर ३३ गण जुम्ला दरबन्दी भई ६ नम्बर बाहिनी सुर्खेतमा कार्यरत भण्डारी २४औं सशस्त्र प्रहरी दिवसको अवसरमा पुरस्कृत भएका हुन् ।
ज्यानको बाजी लगाएर नदीमा बेपत्ता भएकाको उद्धार गरेर साहसिक कार्य गरेको भन्दै उनलाई पुरस्कृत गरिएको एपीएफले जनाएको छ ।
सशस्त्र प्रहरी महानिरीक्षक राजु आचार्यले भण्डारीलाई पुरस्कार हस्तान्तरण गरेका हुन् ।
गोताखोर भण्डारीले यो सम्मानसँगै नगद १० हजार, एक सन्ततीलाई १२ कक्षा अध्ययन गर्दासम्म वार्षिक २४ हजार र राष्ट्र संघीय शान्ति मिसनमा जाने अवसर पाएका छन् ।
