०४ साउन २०८३, सोमबार
राष्ट्रिय स्वतन्त्र पार्टी (रास्वपा)का सभापति रवि लामिछाने सुप्रिम सहकारी ठगी मुद्दामा बयान दिनका लागि मंगलबार रुपन्देही आउने भएका छन् ।
गोरखा मिडिया नेटवर्कका तत्कालीन प्रबन्ध निर्देशक लामिछाने त्रिभुवन अन्तर्राष्ट्रिय विमानस्थल हुँदै गौतमबुद्ध अन्तर्राष्ट्रिय विमानस्थलमा आउने तयारीमा छन् ।
रुपन्देही प्रहरी प्रमुख रञ्जीतसिंह राठौरले लामिछाने रुपन्देही आउने तयारीमा रहेको बताए ।
उनी भोलि (बुधबार) आफैं अदालतमा उपस्थित हुनेछन् ।
लामिछानेविरुद्ध आइतबार रुपन्देही अदालतमा दर्ता भएको थियो ।
लामिछाने, छविलाल जोशी, जीबी राईसहित पूरक अभियोगका १४ र शुरू मुद्दाका २८ गरी ४२ जनाविरुद्ध जिल्ला अदालतमा मुद्दा दर्ता भएको थियो ।
लामिछाने र पूर्व डीआईजी समेत रहेका जोशीसहित २२ जनाविरुद्ध सहकारी ठगी र संगठित अपराध कसुरमा पूरक र गितेन्द्रबाबु राई (जीबी)सहित १७ जनालाई थप कसुर र बिगो थपसहितको मुद्दा दर्ता भएको हो ।
पूरक र थप अभियोगसहित सुप्रिम सहकारीको रकम अपचलनमा संलग्न देखिएका ४२ जना प्रतिवादीविरुद्ध मुद्दा दर्ता भएको हो ।
