२७ असार २०८३, शनिबार
अखिल क्रान्तिकारी धादिङका इन्चार्ज उपेन्द्र जम्कटेलले संगठनको केन्द्रीय उपमहासचिव पदमा उम्मेदवारी दिएका छन् ।
संगठनले पदाधिकारीमा ३२ वर्षे उमेर हद कायम गरेका बेला युवा विद्यार्थी नेता जम्कटेलले बागमती प्रदेशतर्फ उपमहासचिव पदका लागि उम्मेदवारी दिएका हुन् ।
१७ वर्षभन्दा बढीको संगठनात्मक अनुभव संगालेका जम्कटेल संगठनप्रति समर्पित ऊर्जाशील युवाका विद्यार्थीका रूपमा परिचित छन् ।
जम्कटेलको संगठनात्मक यात्रा सन् २०६५ मा किरान्चोक मावि इकाई कमिटीमा आबद्धताबाट शुरू भएको हो ।
त्यसपछि उनले संगठनमा विभिन्न जिम्मेवारी सम्हाल्दै नेतृत्व क्षमताको उत्कृष्ट नमूना प्रस्तुत गर्दै आएका छन्।
२०६८ इकाई सचिव, २०६९ किरान्चोक अध्यक्ष, २०७० मा तत्कालीन धादिङ क्षेत्र नं. ३ सचिवालय सदस्य, २०७२ मा जिल्ला सहसचिव, २०७३ मा जिल्ला सचिव, २०७५ मा जिल्ला संयोजक भएका जम्कटेल तत्कालीन नेकपा (माओवादी र एमाले मिलेर बनेको) कालमा जिल्ला सहसंयोजकका रूपमा कार्यरत थिए ।
सर्वोच्चको आदेशले माओवादी पूर्ववत् अवस्थामा फर्किएपछि जम्कटेल २०७९ यता संगठनको जिल्ला इन्चार्जका रूपमा कार्यरत छन् ।
जम्कटेलले आफ्नो नेतृत्वमा संगठनलाई नयाँ उचाइमा पुर्याएका छन् । स्ववियु निर्वाचनमा धादिङका ८ मध्ये ५ क्याम्पसमा अखिल क्रान्तिकारीलाई जिताउन उनले प्रमुख भूमिका खेलेका थिए ।
आफ्नो कार्यकालमा संगठनलाई जिल्लामा पहिलो बनाउन सफल भएको उल्लेख गर्दै उनले संगठनप्रति निरन्तर निष्ठा र इमान्दारिताका साथ लागिपरेको बताए ।
अखिल (क्रान्तिकारी)लाई अझ सशक्त, संगठित र प्रभावकारी बनाउन आफू केन्द्रीय उपमहासचिवको भूमिकाका लागि योग्य रहेको जम्कटेलको भनाइ छ ।
नेतृत्वदायी क्षमताका कारण उनी संगठनको भविष्यका लागि प्रभावकारी योगदान दिन सक्ने युवा विद्यार्थी नेता समेत हुन् ।
