०२ असार २०८३, मंगलबार
सप्तरीमा १५ वर्षीया बालिकालाई जबर्जस्ती करणी गरेको आरोपमा प्रहरीले एक जनालाई पक्राउ गरेको छ ।
विष्णुपुर गाउँपालिका-१ बस्ने १९ वर्षीय अकलेश कुमार मण्डललाई पक्राउ गरिएको प्रहरीले जनाएको छ ।
अकलेशले ती बालिकालाई सोही गाउँपालिका-७ स्थित कोशी नहरको डिलमा जबर्जस्ती करणी गरेको भन्ने उजुरी परेको थियो ।
उजुरीका आधारमा इलाका प्रहरी कार्यालय विष्णुपुरबाट खटिएको प्रहरीले उनलाई पक्राउ गरेको हो ।
घटनाका विषयमा आवश्यक अनुसन्धान भइरहेको प्रहरीले जनाएको छ ।
