१० साउन २०८३, आइतबार
प्रतिनिधिसभा सदस्य रेखा शर्माले स्वर्गद्वारी गुठी (दाङ) पीडितको माग पूरा गर्न सरकारसँग माग गरेकी छिन् ।
माओवादी केन्द्रकी सांसदसमेत रहेकी शर्माले शुक्रबार प्रतिनिधिसभा बैठकमा माइतीघरमा विरोध प्रदर्शनमा उत्रिएका गुठी पीडितको माग सम्बोधन गर्न सरकारसँग माग गरेकी हुन् ।
पाँच दिनदेखि उनीहरूले विरोध प्रदर्शन गरेको भन्दै उनले जोत भोग गर्ने मोहीको नाममा जग्गा कायम गर्नुपर्ने उनीहरूको माग रहेको उनले बताइन् ।
सिंहदरबारबाट नजिकै माइतीघरमा प्रदर्शन गरे पनि सरकारले बेवास्ता गरेको भन्दै उनले छिटो उनीहरूको माग सम्बोधन गर्न आग्रह गरेकी हुन् ।
अन्य सांसदहरूले पनि गुठी पीडितको माग सम्बोधन गर्न माग गरेका छन् ।
