१७ असार २०८३, बुधबार
काठमाडौंको चन्द्रागिरिमा जुवातास खेलिरहेको अवस्थामा ११ जना पक्राउ परेका छन् ।
चन्द्रागिरि नगरपालिका- १० बोशीगाउँस्थित वीरेन्द्र महर्जनको घरमा जुवा (कौडा) खेलिरहेको अवस्थामा वीरेन्द्रसहित ११ जनालाई पक्राउ गरिएको प्रहरीले जनाएको छ ।
उनीहरूलाई प्रहरीले मंगलबार साँझ पक्राउ गरेको हो ।
प्रहरी प्रभाग बलम्बुबाट खटिएको प्रहरीले उनीहरूकोसाथबाट ८ लाख ५० हजार १ सय १ रुपैयाँ, कौडा १८ थान र ३ बुक तास बरामद गरेको छ ।
थप अनुसन्धान भइरहेको प्रहरीले जनाएको छ ।
