१० साउन २०८३, आइतबार
नेपाल विद्युत प्राधिकरणले तार भूमिगत गर्नका लागि ड्रिलिङ गर्ने क्रममा बुधबार बबरमहलमा रहेको खानेपानीको थोक वितरण प्रणालीको फुटेको पाइप मर्मत गरिएको छ ।
करिब २० घण्टामा मर्मत कार्य सम्पन्न भएको काठमाडौं उपत्यका खानेपानी लिमिटेड (केयूकेएल)का प्रमुख कार्यकारी निर्देशक अशोककुमार पौडेलले बताए ।
‘पाइप फुटेपछि हामीले गएरातिबाट मर्मतको कार्य शुरू गरेका थियौं । अहिले बल्ल आएर मर्मत कार्य सकिएको छ । पानी परीक्षणको कार्य भइरहेकाले परीक्षण सम्पन्न हुनासाथ वितरण प्रक्रिया शुरू गर्नेछौं’, पौडेलले भने ।
पाइप फुटेपछि खानेपानी वितरण रोकिएको थियो भने बबरमहल क्षेत्र जलमग्न भएको थियो ।
