०२ साउन २०८३, शनिबार
प्यालेस्टिनी विद्रोही समूह हमासले इजरायलसँग गाजामा भएको युद्धविराम सम्झौताअनुसार बन्धक रिहा गर्ने भएको छ ।
इजरायलले शनिवारसम्म बन्धकलाई फिर्ता नगरे युद्धविराम समाप्त हुने चेतावनी दिएपछि हमास हमासले समयमै बन्धकहरू रिहा गर्ने बताएको हो ।
यसअघि इजरायलले सम्झौता उल्लङ्घन गरेको आरोप लगाउँदै हमासले बन्दी रिहाइ नगर्ने चेतावनी दिएको थियो । तर इजरायली प्रधानमन्त्री बेन्जामिन नेतान्याहूले बन्धक रिहा नगरे गाजामा युद्धविराम भङ्ग हुने र लडाइँ चर्कने चेतावनी दिएका थिए ।
अमेरिकी राष्ट्रपति डोनाल्ड ट्रम्पले पनि हमासले सबै बन्धक रिहा नगरे युद्धविराम अन्त्यको घोषणा गर्ने चेतावनी दिएका थिए ।
