०३ असार २०८३, बुधबार
राष्ट्रिय स्वतन्त्र पार्टी (रास्वपा)की सांसद डा. तोसिमा कार्कीको सांसद पद रहने वा नरहने मुद्दाको फैसला सुनाउने मिति फागुन २७ गतेका लागि सरेको छ ।
ललितपुर– ३ बाट निर्वाचित सांसद कार्कीको पद रहने वा नरहने मुद्दाको फैसला सुनाउने मिति आइतबारका लागि तोकिएको थियो ।
गत पुस २५ गतेदेखि कार्कीको मुद्दा सर्वोच्च अदालतका न्यायाधीशद्वय डा. मनोजकुमार शर्मा र महेश शर्मा पौडेलको इजलासमा पर्दै आएको छ ।
रास्वपाका तर्फबाट उमेदवार भएकी कार्कीको उमेदवारी निर्वाचन आयोगले खारेज गरिदिएपछि कार्की सर्वोच्च अदालत पुगेकी थिइन् ।
सर्वोच्चले अन्तरिम आदेश दिएपछि उनी चुनाव लड्न पाएकी थिइन् ।
नेपाल मेडिकल काउन्सिलको सदस्य हुँदा राजीनामा नै नदिएर उम्मेदवारी दिएको भन्दै आयोगले उम्मेदवारी खारेज गरिदिएको थियो ।
तर, उक्त निर्णयविरुद्ध सर्वोच्चले अन्तरिम आदेश जारी गरेका करण उनको उम्मेदवारी कायम भएको थियो ।
