काठमाडौंको बूढानीलकण्ठबाट २४ जना भारतीय पक्राउ परेका छन् ।

अनलाइन जुवा खेलाएको आरोपमा उनीहरूलाई पक्राउ गरिएको काठमाडौं उपत्यका अपराध अनुसन्धान कार्यालयका प्रमुख एसएसपी रमेश बस्नेतले ​जानकारी दिए ।​​

एसएसपी बस्नेतका अनुसार ​उनीहरूले १ अर्ब ६४ करोड ३९ लाखको कारोबार गरेको प्रहरीको प्रारम्भिक अनुसन्धानबाट खुलेको छ ।

बूढानीलकण्ठको एक घरमा छापा मारेर उनीहरूलाई प्रहरीले पक्राउ गरेको हो ।

साथै प्रहरीले उनीहरूको साथबाट २१ थान मोबाइल र ३८ थान ल्यापटप पनि बरामद गरेको छ ।