०६ असार २०८३, शनिबार
नेपाली सेनाको सैनिक वार कलेजले हायर कमाण्ड तथा म्यानेजमेन्ट तालिम शुरू गरेको छ । नगरकोटमा अवस्थित कलेजलमा सि.सं.१३ हायर कमाण्ड तथा म्यानेजमेन्ट तालिम शुरू गरेको हो ।
बलाध्यक्ष रथी प्रदीप जंग केसीले बिहीबार तालिमको शुभारम्भ गर्दै तालिमले सहभागी अधिकृतहरूको पेसागत क्षमता, ज्ञान र आत्मविश्वासमा अभिवृद्धि हुने विश्वास व्यक्त गरे ।
उद्घाटन कार्यक्रममा रथीवृन्द तथा अधिकृतहरूको उपस्थिति रहेको थियो ।
कूल ३५ जना महासेनानी दर्जाका अधिकृत शिक्षार्थीहरू (महिला-२ र पुरुष-३३) को सहभागिता रहेको यस तालिम सैनिक अधिकृतका लागि नेपालमा सञ्चालन हुने तालिमहरूमध्ये सबैभन्दा उच्चस्तरको तालिम हो ।
२०७१ सालदेखि नेपाली सैनिक वार कलेजमा सञ्चालन हुँदै आएको यस तालिमबाट हालसम्म महिला १३ जनासहित जम्मा ३४० जना अधिकृत प्रशिक्षित भइसकेका सैनिक जनसम्पर्क तथा सूचना निर्देशनालयले जनाएको छ ।
