१३ असार २०८३, शनिबार
शनिबार देशका विभिन्न स्थानमा चार जना व्यक्ति मृत भेटिएका छन् ।
प्रहरीका अनुसार काठमाडौंको गोकर्णेश्वर नगरपालिका-७ स्थित बागमती खोलाको बीच भागमा अन्दाजी ४५ वर्षीया महिला शनिबार मृत अवस्थामा फेला परेकी छिन् । उनको पहिचान खुलेको छैन ।
यसैगरी, सिन्धुपाल्चोकको सुनकोशी गाउँपालिका-१ डाँडागाउँ बस्ने ७२ वर्षीय मानबहादुर पहरी आफ्नै घरको आँगनमा शनिबार मृत अवस्थामा फेला परेका छन् ।
सल्यानको शारदा नगरपालिका-१५ स्यानिज्यूला बस्ने १८ वर्षीय चन्द्र शिखर खड्का सोही ठाउँस्थित शारदा नदीको किनारमा शनिबार मृत अवस्थामा फेला परेका प्रहरीले जनाएको छ ।
यस्तै, जाजरकोटको शिवालय गाउँपालिका-१ छेडास्थित छेडाचौर थलह-सडक खण्डको छेउमा छेडागाड नगरपालिका-१२ उम्रा बस्ने २३ वर्षीय राजु सिंह शनिबार मृत अवस्थामा फेला परेका प्रहरीले जनाएको छ । यी सबै घटनाको आवश्यक अनुसन्धान भइरहेको प्रहरीले जनाएको छ ।
