बैतडीमा १५ वर्षीया बालिकालाई जबर्जस्ती करणी गरेको आरोपमा ३० वर्षीय युवक पक्राउ परेका छन् । 

शिवनाथ गाउँपालिका-१ कुस्मौतघाट बस्ने ३० वर्षीय चक्रसिंह साउदलाई आइतबार दिउँसो पक्राउ गरिएको प्रहरीले जनाएको छ ।

साउदले ती बालिकालाई ललाई फकाई सोही गाउँपालिका-१ सालको ईजरस्थित जंगलमा लगेर जबर्जस्ती करणी गरेको भन्ने उजुरीको आधारमा प्रहरी चौकी कुस्मौतघाटबाट खटिएको प्रहरीले उनलाई पक्राउ गरेको हो । 

यसैगरी बैतडीमै १६ वर्षीया बालिकालाई जबर्जस्ती करणी गरेको आरोपमा मेलौली नगरपालिका-१ बस्ने २५ वर्षीय मनोजसिंह नायकलाई आइतबार साँझ प्रहरीले पक्राउ गरेको छ । 

नायकले ती बालिकालाई ललाई फकाई जबर्जस्ती करणी गरेको भन्ने उजुरीको आधारमा प्रहरी चौकी बयलचौरबाट खटिएको प्रहरीले उनलाई पाटन नगरपालिका-१ गडालेकबाट पक्राउ गरेको हो । 

दुवै घटनाका विषयमा प्रहरीले आवश्यक अनुसन्धान गरिरहेको प्रहरीले जनाएको छ ।