१७ असार २०८३, बुधबार
भारत तस्करी हुन लागेको गाँजा मोरङ प्रहरीले बरामद गरेको छ ।
मोरङको जहदा गाउँपालिका- ७ मुसहरी टोलबाट प्रहरीले कुल १ हजार १ सय ३ केजी गाँजासहित २ जनालाई पक्राउ गरेको छ ।
मोरङ प्रहरीका प्रवक्ता डीएसपी वेदप्रकाश जोशीका अनुसार २७ वर्षीय उमेश कामतको घरबाट ३४ पोकामा उक्त गाँजा फेला परेको थियो । यी पोकाहरूमा १ हजार ८८ केजी गाँजा रहेको प्रहरीले जनाएको छ ।
प्रहरीले कामतको घर नजिकै जहदा गाउँपालिका ५ का ३३ वर्षीय अरबिन साहको घरबाट थप १५ केजी गाँजा बरामद गरेको छ ।
दुवै व्यक्तिलाई पक्राउ गरी थप अनुसन्धान भइरहेको प्रहरीले जनाएको छ ।
प्रहरीङ्को प्रारम्भिक अनुसन्धानबाट उक्त गाँजा भारत तस्करी गर्न लागिएको पाइएको छ । पक्राउ परेका दुवै व्यक्तिलाई हाल मोरङ प्रहरी कार्यालयमा राखिएको छ ।
