चैत शुक्ल पूर्णिमा दिन शनिबार ऐतिहासिक महत्त्व बोकेको काठमाडौंको बालाजु स्थित बाइसधारामा विशेष मेला लागेको छ । 

मेलाका अवसरमा शनिबार बाइसधारामा भक्तजनको घुइँचो लागेको छ । मेलामा नुवाकोट, धादिङ, रसुवा, चितवन लगायतका विभिन्न जिल्लाबाट भक्तजन बाइसधारा आउने गर्दछन् ।

तत्कालीन राजा प्रताप मल्लले निर्माण गरेको उक्त धारामा नागार्जुनको डाँडाबाट पानी आउने गर्दछ । यसदिन बालाजु बाइसधाराको पानीले स्नान गरे पाप पखालिने, रोग निको हुने र चिताएको पूरा हुने धार्मिक विश्वास रहिआएको छ ।